გაჭიანურებული სასამართლო დავები წლებია საქართველოში ერთ-ერთია იმ გამოწვევებიდან, რომელსაც ინვესტორები ასახელებენ. ამ მიმართულებით არსებული პრობლემები ინვესტორებისთვის არც თუ ისე კარგი გზავნილია, მაგრამ წლიდან წლამდე ხელშესახები ცვლილებები მაინც არ ჩანს.
როგორც GLCC Law Firm-ის პარტნიორი შალვა ცხაკაია აცხადებს, ინვესტორები სასამართლო დავის დაწყებამდე ხშირად კითხულობენ ვადებს, რისი დასახელებაც არსებული გარემოებების გათვალისწინებით წინასწარ რთულია. მისი თქმით, სასამართლო დავების ვადების გაჭიანურება საქართველოში უკვე ნორმად არის ქცეული, თუმცა მისი განმარტებით, პრობლემები არ აკლია არც გადაწყვეტილების აღსრულების ნაწილს.
“ფაქტობრივად ჩვენთან როდესაც ბიზნესი მოდის, რომელსაც სასამართლო დავა სჭირდება, მას გარკვეული განჭვრეტადობისთვის სურს იცოდეს რა ვადებთან და რა ხარჯებთან არის ეს დაკავშირებული. სამწუხაროდ, იმ პრაქტიკიდან გამომდინარე, რაც ჩვენს სასამართლოშია, დადგინდა ეს ვადები, რომელიც გვიწევს, რომ ჩვენ ვუთხრათ ინვესტორს ხშირად მიუღებელი და არაპრაქტიკული მათია საქმიანობისთვის. გაჭიანურებული საქმეები ძირითადად ორივე მოდავე მხარეს ურტყამს.
შეუძლებელია იმის განჭვრეტა ვინ რა სახის ზიანს მიიღებს, მხოლოდ იმის გამო რომ გადაწყვეტილება ძალიან დიდი ხნის შემდეგ იქნას მიღებული. მეორე საკითხია მიღებული გადაწყვეტილების აღსრულების საკითხი, რადგან 2-3 არის შემთხვევები 5 წლის შემდეგ ძალაში შესული გადაწყვეტილების შემდგომ იურიდიული ინტერესიც იკარგება ინვესტორის მხრიდან და მისი აღსრულება ფიზიკურად შეუძლებელიც ხდება. ასეთი შემთხვევებიც ბევრია.”-ამბობს GLCC Law Firm პარტნიორი შალვა ცხაკაია.
ლენტეხის მუნიციპალიტეტში, მდინარე ცხენისწყალზე 22 მგვტ დადგმული სიმძლავრის ჰიდროელექტროსადგურის – “ცხენისწყალი 1 ჰესის” მშენებლობა მიმდინარე წელს დაიწყება. როგორც პროექტის განმახორციელებელი კომპანიის –…
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის…
2024 წლის პირველ ნახევარში საქართველოში ჩინეთიდან ავტომობილების იმპორტი გაორმაგდა – აღნიშნულ პერიოდში საქართველოში სულ $22 მილიონი დოლარის ღირებულების ავტომობილების იმპორტი განხორციელდა,…